Espainiak paperik gabeko 500.000 pertsona erregularizatzen ari da. Zazpigarren erregularizazioa da, demokrazia 1978an itzuli zenetik. Ezkerra eta eskuinak izan dira hiru erregularizazioren jatorria, bainan bi helburu ezberdinekin: premia ekonomikoa batzuentzat eta giza eskubideen defentsa besteentzat. Bainan bat egiten dute erranez horrek bi alorretan laguntza serioa ematen duela.
Bestalde, joan den martxoan argitaratutako Espainiako bi ikerketa nabarmendu dira immigrazioaren eginkizun nagusia herrialdearen dinamismo ekonomikoan.
Bestalde, joan den martxoan argitaratutako Espainiako bi ikerketa nabarmendu dira
immigrazioaren eginkizun nagusia herrialdearen dinamismo ekonomikoan.
Ekonomiaren aldeko erregularizazioa
2019tik, immigrazioak %7,8ko hazkundea ekarri du biztanleria aktiboan. Lan eskaintzaren igoera "parekorik gabe Europako ekonomia handietan, eta horrek herriaren produkzio ahalmena garatu duela" diote ikerketa horren idazleek,lan beharra gehien duten sektoreetan, hala nola etxeko zerbitzuetan, nekazaritzan, ostalaritzan eta eraikuntzan aritzen dira langile etorkin horiek. Horri esker, bertako langileek lan hobeak eta kualifikatuagoak lortu ahal izan dituzte.
Horrela, ohiko ideia faltsua agerian gelditzen da: atzerritarrek ez diete bertakoei lana kentzen.
Gainera, dinamismo horrek ekonomia osoari mesede egin dio.
